2024-25 წლების უეფას ჩემპიონთა ლიგის ნახევარფინალური ეტაპი დაიწყო. პსჟ სამშაბათს ლონდონში არსენალს ეწვია და ორმატჩიანი დაპირისპირების პირველი შეხვედრა ემირეიტებზე ითამაშა.
მე-4 წუთზე უსმან დემბელეს გატანილმა გოლმა ლიგა 1-ის ჩემპიონებს გამარჯვება მოუტანა და ფინალში გასვლის შესანიშნავი შანსი მისცა. განმეორებითი მატჩი მომავალ კვირას პარიზში გაიმართება.
ეს გამარჯვება იმას ნიშნავს, რომ Opta-ს სუპერკომპიუტერის აზრით ჩემპიონობის მთავარი ფავორიტი არა არსენალი, არამედ უკვე პსჟ არის. ფრანგულ კლუბს ახლა ტურნირის მოგების 41.9%-იანი შანსი აქვს. რაც შეეხება არსენალს, მათი ფინალში გასვლისა და ჩემპიონთა ლიგის მოგების ალბათობა 31.3%-დან 12.1%-მდე შეუმცირდათ.
ბარსელონა Opta-ს პროგნოზით ჩემპიონთა ლიგის მოგების მეორე მთავარი ფავორიტია - 25.8%, ხოლო ინტერი მესამე ადგილს იკავებს 20.2%-ით.
მომზადებულია OPTA-ს მიერ.
