ხვიჩა კვარაცხელიას უნიკალური შანსი ეძლევა, რომ ერთდროულად სერია A-ს და ლიგა 1-ის ჩემპიონი გახდეს, თუმცა ჯერ კიდევ არის კითხვები.
ქართველმა ვარსკვლავმა ნაპოლი სეზონის შუაში დატოვა, ამიტომ ბევრისთვის ისევ უცნობია, მიიღებს თუ ვერა ის საჩემპიონო მედალს.
პასუხი ძალიან მარტივია. იმისთვის, რომ მოთამაშემ ჩემპიონის სტატუსი მიიღოს, საჭიროა სეზონში მინიმუმ 5 მატჩი ჩაატაროს.
ხვიჩა ამ კრიტერიუმს აკმაყოფილებს, მან სერია A-ს მიმდინარე სეზონში 17 მატჩი ჩაატარა და 8 საგოლე ქმედებაც მოაგროვებს.
კვარაცხელიას მედალი ეკუთვნის და ნაპოლიც ვალდებულია, რომ ქართველს ჯილდო გადასცეს, თუმცა ამაზე თავად ხვიჩას შეუძლია უარის თქმა.
სეზონის დასრულებამდე 2 ტურით ადრე ნეაპოლელები პირველ ადგილს იკავებენ და ინტერს ერთი ქულით უსწრებენ.
