სეზონის დასრულებამდე სულ ცოტა დრო რჩება, მაგრამ ჯერ ისევ რთული სათქმელია, ვინ მოიპოვებს ოქროს ბურთს.
რამდენიმე ფავორიტი გამოკვეთილია, თუმცა, ალბათ, გადამწყვეტი ფაქტორი ჩემპიონთა ლიგის ფინალი იქნება, სადაც ერთმანეთს პსჟ და ინტერი ხვდებიან.
ბუქმეიქერებმა ფავორიტების სია განაახლეს, სადაც უკვე ხვიჩა კვარაცხელიას სახელიც ფიგურირებს.
პირველ ადგილს, როგორც მოსალოდნელი იყო, უსმან დემბელე იკავებს. თუ პსჟ ჩემპიონთა ლიგას მოიგებს, ფრანგი შემტევი ოქროს ბურთის მთავარი პრეტენდენტი იქნება.
მეორე პოზიციას ლამინე იამალი იკავებს. ბარსელონას ვუნდერკინდი მსოფლიოს გაოცებას აგრძელებს და უკვე არის ფავორიტთა შორის.
სამეულს მოჰამედ სალაჰი ხურავს, რომელმაც პრემიერ ლიგაში რეკორდები მოხსნა და ლივერპული გააჩემპიონა.
რაც შეეხება კვარაცხელიას, ხვიჩა მე-7 ადგილს იკავებს, თუმცა თუ ფინალში გმირის მანტიას მოისხამს, მისი შანსები ერთი ორად გაიზრდება.
სრული ათეული ასე დაკომპლექტდა.
- უსმან დემბელე
- ლამინე იამალი
- მოჰამედ სალაჰი
- რაფინია
- ლაუტარო მარტინესი
- ჯანლუიჯი დონარუმა
- ხვიჩა კვარაცხელია
- აშრაფ ჰაკიმი
- პედრი
- კილიან მბაპე
