5 და 8 ივნისს, საქართველოს ნაკრები ორ ამხანაგურ მატჩს ჩაატარებს. ეროვნული ნაკრები ჯერ ფარერებს დაუპირისპირდება, შემდეგ კი კაბო-ვერდეს.
აღნიშნულ მატჩებში მონაწილეობას ნაკრების რამდენიმე ლიდერი ვერ მიიღებს. მათ შორის უკვე დადასტურებულად არიან ხვიჩა კვარაცხელია და გიორგი ჩაკვეტაძე.
აქედან გამომდინარე, სანიოლი აქცენტს ისეთ მოთამაშეებზე გააკეთებს, ვისაც აქამდე შანსი არ მისცემია.
LaGazzetta.ge-ს ინფორმაციით, ფრანგი სპეციალისტი მოახლოვებული მატჩებისთვის ნაკრებში "იბერია 1999"-ის ფეხბურთელებს ჯემალ ჯინჯოლავასა და იური ტაბატაძის გამოძახებას განიხილავს.
ჯინჯოლავა და ტაბატაძე შესანიშნავ სეზონს ატარებენ და ეროვნულ ლიგაში დაუმარცხებლები არიან. ჯინჯოლავა თავის პოზიციაზე (მარცხენა მცველი) გამორჩეულია, ტაბატაძე კი 7 გოლით ჩემპიონატის ბომბარდირია.
ჯერჯერობით, გადაწყვეტილი არაფერია და საქართველოს ნაკრების საბოლოო სია ცნობილი უახლოეს დღეებში გახდება ცნობილი, სადაც ბევრ დებიუტანტს უნდა ველოდოთ.
