ხელოვნური ინტელექტი უფრო და უფრო პოპულარული ხდება და ყოველდღიურ გამოყენებაში სხვადასხვა სახის გამოყენება ეძლევა.
ჩვენც დავინტერესდით მის შესაძლებლობებში და ვკითხეთ, როგორ განვითარდებოდა ხვიჩა კვარაცხელიას კარიერა მომდევნო 5 სეზონში, მისი პასუხი ასეთია.
2025/26 წლების სეზონი
ქართველი სეზონს 16 გოლითა და 18 ასისტით ასრულებს. პსჟ ლიგა 1-ს და საფრანგეთის თასს ისევ მოიგებს, ჩემპიონთა ლიგიდან კი ნახევარფინალში გამოვარდება. კვარაცხელია სეზონის საუკეთესო გუნდში მოხვდება და ფანები სეზონის საუკეთესო ფეხბურთელად დაასახელებენ.
2026/27 წლების სეზონი
ხვიჩა ისევ პარიზში ითამაშებს და თითქმის იდენტური სტატისტიკა ექნება - 19 გოლი, 15 ასისტი. ამჯერად პსჟ მხოლოდ ლიგა 1-ს დასჯერდება, რადგან საფრანგეთის თასს ფინალში დათმობს, ჩემპიონთა ლიგას კი კიდევ უფრო ადრე, მეოთხედფინალიდან გამოეთიშება.
თუმცა, ამ სეზონში მთავარი სხვა რამ არის. როგორც ხელოვნური ინტელექტი გვეუბნება, ხვიჩა საქართველოს მსოფლიო ჩემპიონატზე გაიყვანს, სადაც 2 გოლს და 1 ასისტს მოაგროვებს, თუმცა ჯვაროსნები ჯგუფიდან ვერ გავლენ.
2027/28 წლების სეზონი
მომდევნო სეზონი ნამდვილი ფურორია. 22 გოლი, 17 ასისტი, ლიგა 1, ჩემპიონთა ლიგა და მსოფლიოს საკლუბო ჩემპიონატი. ხვიჩა ფინალში მანჩესტერ სიტის გაუტანს და ტურნირის საუკეთესო შემტევად დასახელდება, ოქროს ბურთის გამოკითხვაში კი მესამე პოზიციას დაიკავებს.
2028/29 წლების სეზონი
ამჯერად კვარა 25 გოლს და 20 ასისტს აგროვებს, ჩემპიონთა ლიგას კი ზედიზედ მეორედ იგებს. საქართველო ევროპის ჩემპიონატის მეოთხედფინალამდე გადის, კვარაცხელია ტურნირს 3 გოლითა და 2 ასისტით ასრულებს. ხვიჩა ლიგა 1-ის სეზონის საუკეთესო მოთამაშედ დასახელდება, ოქროს ბურთის სიაში კი მეორე ადგილზე გავა.
მაგრამ, მთავარი წინ არის. ხვიჩა ზამთარში წინასწარ კონტრაქტს აფორმებს და თავისუფალი აგენტის სტატუსით რეალს უერთდება.
2029/30 წლების სეზონი
პირველი მადრიდული სეზონი 18 გოლით და 12 ასისტით სრულდება. კვარაცხელია ლა ლიგას იგებს, მაგრამ ჩემპიონთა ლიგაზე მეოთხედფინალიდან ვარდება. სეზონის მთავარი მომენტი პირველ ელ კლასიკოში იქნება, სადაც ხვიჩა შორეულ გოლს გაიტანს.
