კრიშტიანუ რონალდუს არაბულ ალ-ნასრისთან კონტრაქტი რამდენიმე კვირაში დაუსრულდება, მისი მომავალი ჯერ ისევ გაურკვეველია.
40 წლის ლეგენდამ საუდის არაბეთში 3 სეზონი გაატარა, თუმცა ჩემპიონატის მოგება ვერ მოახერხა.
ახალ კონტრაქტზე მოლაპარაკებები გაჭიანურდა და დიდი შანსია, რონალდუმ ალ-ნასრი ზაფხულში დატოვოს.
Marca-ს ინფორმაციით, რონალდუმ მაცდური შეთავაზება მიიღო, რაზეც, შესაძლოა, უარი ვერ თქვას.
კრიშტიანუს ბრაზილიური კლუბები ეპატიჟებიან, რაც მას მსოფლიოს საკლუბო ჩემპიონატზე თამაშის შესაძლებლობას მისცემს.
ყველაზე მეტად ბოტაფოგო აქტიურობს, ინტერესს გამოხატავენ ფლამენგო და პალმეირასიც.
აღსანიშნავია, რომ პალმეირასი ჯგუფში ინტერ მაიამისთან ერთადაა და შესაძლოა, კიდევ ერთხელ ვნახოთ მინდორზე რონალდუ - მესის დუელი.
