კრიშტიანუ რონალდუ ალ-ნასრის დატოვებასთან ახლოსაა, პორტუგალიელმა ვარსკვლავმა ეს სეზონის ბოლო მატჩის შემდეგ განთავსებული პოსტით მიგვანიშნა.
7-იანმა დაპოსტა, რომ "ეს თავი დასრულდა, თუმცა ისტორიის წერა გრძელდება", რაც გვაფიქრებინებს, რომ ის ახალ კლუბს შეუერთდება.
როგორც ჩანს, ახალ კლუბში ტრანსფერი იმაზე ახლოსაა, ვიდრე ველოდით.
რონალდუ საუდის არაბეთის დატოვებას არ გეგმავს და მოსალოდნელია, რომ მომდევნო სეზონიდან ალ-ჰილალში ითამაშებს.
მხარეები უკვე საუბრობენ კონტრაქტის პირობებზე და მოლაპარაკებები აქტიურ ფაზაშია გადასული.
ეს ინფორმაცია, გარკვეულწილად, ფაბრისიო რომანომაც დაადასტურა. იტალიელი ჟურნალისტის თქმით, კრიშტიანუ ნამდვილად განიხილავს სხვა არაბულ კლუბში ტრანსფერს.
ალ-ჰილალი რონალდუსთან ერთად ბრუნო ფერნანდეშის ტრანსფერზეც მუშაობს და როგორც ჩანს, საჩემპიონო ტიტულის დაბრუნებას აპირებს.
