სეზონის გადამწყვეტ მატჩამდე სულ ცოტა დრო რჩება, ჩემპიონთა ლიგის ფინალი მოახლოვდა.
31 მაისს მიუნხენში ევროპის ყველაზე პრესტიჟული ტიტულის მოსაგებად ერთმანეთს პსჟ და ინტერი შეერკინებიან.
პარიზული კლუბი ისტორიაში პირველად, ხოლო ინტერი 2010 წლის შემდეგ პირველად ეცდება ტიტულის აღმართვას.
ქართველი ქომაგების აბსოლუტური უმრავლესობა სწორედ პსჟ მხარესაა, მიზეზი კი რთული არაა - ხვიჩა კვარაცხელია.
კვარა ფინალისთვის სათამაშოდ მზად იქნება და იდეალური შანსიც ეძლევა, რომ ინტერთან თავისი ცუდი სტატისტიკა გამოასწოროს.
ხვიჩამ კარიერაში 6-ჯერ ითამაშა ნერაძურის წინააღმდეგ, მაგრამ შედეგიანობით ვერ გამოირჩა.
1 მოგება, 2 ფრე, 3 მარცხი - ასე დასრულდა ნაპოლისა და ინტერის ის მატჩები, სადაც ხვიჩამ ითამაშა.
თავად კვარაცხელიას კი ინტერის წინააღმდეგ 6 მატჩში არც გოლი და არც საგოლე გადაცემა შესრულებული არ აქვს.
შეიძლება ითქვას, რომ ხვიჩასთვის ინტერი ყველაზე უხერხული მეტოქეა და იმედია, ეს ტრადიცია ფინალში დაირღვევა.
