სიტუაცია გარკვეულია - კრიშტიანუ რონალდუმ, როგორც ჩანს, უკვე ჩაატარა ბოლო მატჩი ალ-ნასრის მაისურით. მისი კონტრაქტი 30 ივნისს ამოიწურება, საუდის არაბეთი კი ყველაფერს აკეთებს, რომ კრიშტიანუ არ დაკარგოს.
ქვეყნის მიზანია, რონალდუ არაბულ ლიგაში დარჩეს - თუნდაც სხვა კლუბში. PIF-ის (საჯარო საინვესტიციო ფონდის) ინფორმაციით, მოლაპარაკებები უკვე მიმდინარეობს და ორივე მხარე აქტიურად მუშაობს შეთანხმებაზე.
სავარაუდო ვარიანტები? ალ-ჰილალი ან ალ-აჰლი. და არა ალ-ნასრი - მიუხედავად ფერნანდო იეროს სურვილისა, რომ კრიშტიანუ გუნდში დარჩეს.
როგორც ირკვევა რბოლას ალ-ჰილალი ლიდერობს. გუნდი 18 ივნისს საკლუბო მსოფლიო ჩემპიონატზე მადრიდის რეალს დაუპირისპირდება - ეს კი იდეალური სცენარია რონალდუს დებიუტისთვის.
ალ-აჰლიც აზიის ჩემპიონთა ლიგაზე თამაშობს, როგორც საუდის არაბეთის მოქმედი ჩემპიონი - ასე რომ, ორივე ვარიანტს თავისი პლიუსები აქვს.
ყველაფერი კი რონალდუს პოსტით დაიწყო: "ეს თავი დასრულდა. ისტორია? ჯერ კიდევ იწერება. მადლობა ყველას."
ასევე იქამდე გაირკვა, რომ ალ-ნასრი 2025/26 წლების აზიის ჩემპიონთა ლიგაზე ვერ ითამაშებს.
