UFC-ის სამყარო ერთი ბრძოლის მოლოდინშია - ილია თოფურია v. ისლამ მახაჩევი, თუმცა, ეს დაპირისპირება ისევ გადაიდო.
მახაჩევმა წონის შეცვლა და ჯეკ დელა მადალენასთან ბრძოლა გადაწყვიტა, ილიას კი ჩარლზ ოლივეირასთან მოუწევს მსუბუქი წონის ქამრისთვის პაექრობა.
ამ პოტენციურ ბრძოლაზე კომენტარი არმან ცარუკიანმაც გააკეთა, რომელიც მიიჩნევს, რომ მახაჩევისთვის მადალენა უფრო სახიფათო მეტოქეა.
"არ ვფიქრობ, რომ მახაჩევი ილიას გაექცა. მადალენაც ძალიან ძლიერი მებრძოლია.
მგონია, რომ მადალენასთან ბრძოლა ისლამისთვის უფრო რთული იქნება, ვიდრე თოფურიასთან იქნებოდა", - ამბობს არმანი.
