8 ივნისს მერაბ დვალიშვილი და შონ ო'მალი UFC-ში კიდევ ერთხელ დაუპირისპირდებიან ერთმანეთს, ამჯერად ქამარი ქართველის საკუთრებაშია.
ბრძოლამდე მერაბმა UFC-სთან ინტერვიუ ჩაწერა, სადაც ერთი საინტერესო დეტალი ახსენა.
"როცა ამ დაპირისპირებაზე საუბარი მიდიოდა, UFC-იმ პოტენციური თარიღები მითხრა. განიხილებოდა ბრძოლის აპრილში ან ივნისში ჩატარება.
მე ვუთხარი, რომ ბრძოლა ივნისში უნდა ჩატარებულიყო, რადგან ო'მალის მეტი დრო ექნებოდა ოპერაციის შემდგომი რეაბილიტაციისთვის.
მსურს, რომ შონის საუკეთესო ვერსიას ვეჩხუბო.
ოპერაციამდე მითხრა, რომ მარტში ან აპრილში დაბრუნდებოდა, მაგრამ ვთქვი, მიეცით მას დრო რეაბილიტაციისთვის", - ამბობს დვალიშვილი.
