კრიშტიანუ რონალდუმ დაადასტურა – ის ამ ზაფხულს საკლუბო მსოფლიო ჩემპიონატზე მონაწილეობას არ მიიღებს.
პორტუგალიის კაპიტანს ალ-ნასრთან კონტრაქტი ივნისის ბოლოს ეწურება. მიუხედავად კლუბის სურვილისა, რონალდუს შენარჩუნება გაუჭირდებათ – და თავად ფეხბურთელმაც უკვე დაიწყო ახალ ვარიანტებზე ფიქრი.
"მე არ ვიქნები საკლუბო მსოფლიო ჩემპიონატზე, ეს გადაწყვეტილება უკვე მიღებულია", - თქვა რონალდუმ.
"ზოგიერთი გუნდი დამიკავშირდა. ზოგი წინადადება ლოგიკური იყო, ზოგი - არა."
ჯანი ინფანტინო არ მალავდა, რომ რონალდუს ტურნირზე ხილვა სურდა, განსაკუთრებით იმის ფონზე, რომ ალ-ნასრმა საკლუბო მსოფლიოს საგზური ვერ მოიპოვა. თუმცა, ეს იდეა უკვე გამორიცხულია.
BBC Sport-ის ინფორმაციით, ალ-ნასრს ჯერ კიდევ აქვს იმედი, რომ რონალდუსთან ახალ კონტრაქტზე შეთანხმებას მიაღწევს, თავად ფეხბურთელი კი ამბობს, რომ გადაწყვეტილება "თითქმის მიღებულია."
