კორი სენდჰეგენმა მერაბ დვალიშვილის ბრძოლების შესწავლა უკვე დაიწყო. არიელ ელვანისთან საუბრისას კორიმ აღნიშნა, რომ მის ბევრ ჩხუბს უყურა. განსაკუთრებული ყურადღება ბოლო დაპირისპირებაზე გაამახვილა და თქვა, რომ ო'მალი ზედმეტად შეშინებული იყო. კორიმ მისი და დვალიშვილის შესაძლო ჩხუბიც შეაფასა.
ეს საუკეთესო პერფორმანსი არ ყოფილა, მაგრამ ჩანს მერაბი სულ უფრო და უფრო უკეთესი ხდება. პირველ ჩხუბშიც, შონი დიდი კონტროლის ქვეშ არ ყოფილა. თუ რაუნდებს კარგად დავაკვირდებით ვნახავთ, რომ ძალიან ახლო ჩხუბი იყო. უბრალოდ ისე იგრძნობოდა, რომ ო'მალი ოქტაგონზე მოსაგებას არ იყო გასული. განმეორებით ბრძოლაში ყველა ამბობდა, რომ შონი მერაბს გათიშავდა. მეგობრებო, მერაბი უბრალოდ არ გაძლევს საშუალებას, რომ ახლოს მიხვიდე და დაარტყა. ო'მალი შეშინებული გამოვიდა. ჭიდაობის ეშინოდა.
ვაპირებ მერაბს პატარა მასტერკლასი ჩავუტარო. მინდა, რომ MMA-თ შევაწუხო. ჭიდაობის ან დაღლის არ შემეშინდება. მოჭიდავეების წინააღმდეგ დაღლის თუ გეშინია, აუცილებლად წააგებ - განაცხადა კორიმ.
შეგახსენებთ, რომ კორი სენდჰეგენი დვალიშვილის მომავალ ოპონენტად განიხილება. სუპერმსუბუქი დივიზიონის ტოპ მებრძოლებს შორის ის ერთადერთია, რომელსაც მერაბი არ შეხვედრია.
