ილია თოფურია და არმან ცარუკიანი ერთმანეთს სოციალურ ქსელში დაუპირისპირდნენ. სომეხი მებრძოლის განაწყენება ილიას მიერ გაკეთებულმა განცხადებამ გამოიწვია, რომელიც ქართველმა ერთ-ერთი ინტერვიუს დროს გააკეთა.
არმან ცარუკიანი თოფურია-ოლივეირას საჩემპიონო ორთაბრძოლას დააზღვევს და ილიას მისამართით კითხვაც სწორედ ამ საკითხს ეხებოდა.
"არმანს ჩემთან შანსი არ აქვს, პირველი რაუნდი, პირველი წუთები, რას გააკეთებს ფეხებში შემოვა? კარგით რა, ის ჩემთვის ყველაზე მარტივი მეტოქე იქნება". - უთხრა თოფურიამ ჟურნალისტს.
ცარუკიანის პასუხმა არ დააყოვნა: ილოცე, რომ ოლივეირას არაფერი მოუვიდეს, რადგან შენთვის ყველაზე რთული მოწინააღმდეგე სწორედ მე ვარ. შენ იბრძვი ქამარზე ისეთ მეტოქესთან, რომელიც მე უკვე დამარცხებული მყავს." - დაწერა არმან ცარუკიანმა.
ილია თოფურიამ უპასუხოდ არც ეს განცხადება დატოვა და სოციალურ ქსელ X-ზე არმანის პოსტი გააზიარა შემდეგი წარწერით - "შე ქინძო, ფოთოლო".
ცარუკიანმა ილიას ამ განცხადებას პლატფორმა X-ზე შემდეგნაირად უპასუხა: - "თუ მოიგებ, ოქტაგონს შენი სახით მოვწმენდ"
შეგახსენებთ, ილია თოფურია სატიტულო ბრძოლას 29 ივნისს, UFC 317-ზე, ჩარლზ ოლივეირას წინააღმდეგ გამართავს.
