NBA იწყება - საუკეთესო საკალათბურთო ტურნირის ახალი კარს მოგვადგა. 2024/25 წლების გათამაშება 23 ოქტომბერს, საქართველოს დროით 03:30 საათზე დაიწყება. მოქმედი ჩემპიონი ბოსტონ სელტიკსი ნიუ იორკ ნიქსს დაუპირისპირდება.
სუპერკომპიუტერმა ახალი სეზონის წინ შანსები გამოთვალა და ბევრისთვის მოულოდნელად, ჩემპიონობის მთავარ ფავორიტად ოკლაჰომა სითი თანდერი დაასახელა.
ანალიზის მიხედვით, დასავლეთ კონფერენციას ოკლაჰომა მოიგებს, ხოლო აღმოსავლეთს ისევ ბოსტონი. ფინალი 7 მატჩამდე გაგრძელდება, სადაც გამარჯვებას სწორედ ოკლაჰომა მოიპოვებს.
სუპერკომპიუტერის გამოთვლებით, ოკლაჰომა ჩემპიონობის გზაზე ლოს ანჯელეს ლეიკერსს (4-1), დენვერ ნაგეთსს (4-2) და დალას მავერიკსს (4-1) დაამარცხებს.
ბუკმეკერების აზრით NBA-ის ჩემპიონობის მთავარი ფავორიტი ისევ ბოსტონია. 4.1 კოეფიციენტით ფასდება ბოსტონის ზედიზედ მეორე ჩემპიონობა. მეორე ყველაზე დიდი შანსი ოკლაჰომას ეძლევა (7.5), ხოლო სამეულს ნიუ იორკი (9) ხურავს.
საინტერესოა თუ ვინ გახდება სეზონის საუკეთესო მოთამაშეც, რის მთავარ ფავორიტადაც 4.5 კოეფიციენტით ლუკა დონჩიჩი მიიჩნევა. მას შაი გილჯეს-ალექსანდერი მოსდევს (5), მესამე კი უკვე 3-გზის MVP ნიკოლა იოკიჩია (5.75).
მხოლოდ 1.65 კოეფიციენტი ეძლევა ვიქტორ ვემბანიამას სეზონის საუკეთესო მცველობის სტატუსს. ფრანგი ცენტრი ამ კატეგორიაში უპირობო ფავორიტია. მეორეზე ბემ ადებაიოა (12), ხოლო მესამე ადგილს ივან მობლი და ჩეტ ჰოლმგრინი (13) იყოფენ.
ვემბანიამა არის ფავორიტი სეზონის ყველაზე განვითარებული მოთამაშის ჯილდოს კატეგორიაშიც, ვიქტორის შანსები ამ შემთხვევაში 8.25 კოეფიციენტით ფასდება.
საუკეთესო მეექვსე მოთამაშის ჯილდოს მოსალოდნელ მფლობელად მალიკ მონკი მიიჩნევა - 6.5 კოეფიციენტი.
